Posts Tagged ‘Bakio’

Otsaileko osoko bilkuran landuko diren aztergaiak

bakio

0 Comments

1.- 2013ko urtarrilaren 31n egindako ohiko udalbatzaren akta irakurri eta onetsi, hala behar balitz.
2.- Alkatetzaren dekretuen barri emon.
3.- 2011ko ekitaldiko kontu orokorra onartu, hala behar balitz, aurkeztutako alegazinoei buruzko erabagi hartu ostean.
4.- a) Arau subsidiarioen aldarazpenaren gastua hainbat urtetarako izateko proposamena hasikera baten onartu, hala behar balitz.
b) 2013ko udal aurrekontua hasikera baten onartu, hala behar balitz.
5.- Errenteria SR-3 eremuko birpartzelazino proiektuko Z.R.C. 13 emoitzazko lursaila, lehiaketaren bidez, inorenganatzeko ekonomiko-administratiboen klausulen agiriari dala eta Bildu-Bakiok aurkeztutako alegazinoen ganeko erabagia hartu.
6.- Bakioko arau subsidiarioetako C-2 jardununeko urbanizazino publikoa gauzatzeko hitzarmena onartu.
7.- Solozarre SUR-4 egoitzazko eremu urbanizagarriko SRZ 1-1 lursalaren nahitaezko desjabetzapen espedientea hastea erabagi.
8.- Martiaren 8an Emakumeen Eguna ospatzen dala-eta adierazpen instituzionala onartu.
9.- Euskal preso politikoei 197/2006 doktrina aplikatzen jakela-eta erabagia hartu.
10.- Eskaerak eta galderak.

Eguna: 2013/02/28 (eguena)
Ordua: 19:00
Tokia: batzar-gela

Urtarrileko osoko bilkura: laburpena

bakio

0 Comments

Idazkariak alkatetzaren dekretuen berri eman ondoren zerrendako aztergaiak eztabaidatzen hasi ginen.

1. Jarduerak egin edo zerbitzuak emoteagaitiko prezio publikoak arautzen dauzen ordenantzea behin betiko onartu, hala behar balitz, beti be, aurkeztutako alegazinoei buruzko erabagia hartu ostean.

EAJko zinegotzien baiezko botoen bitartez onartu zen. Bilduko zinegotziok ezezko botoa eman genuen. Ezezko botoa emateko ondorengo argumentuak eman genituen:

• Ez da argi gelditzen nork ordaindu behar izango duen herriko lokalak erabiltzeagatik.
• Bildukook uste dugu edozein herritarrek, herriaren interes orokorraren alde jarduten denean, edozein lokal doan erabiltzeko baimena izan behar duela. Interes orokorra den edo ez baloratzea, alkateari dagokiola erantzun zigun udal gobernuak. Bildukook uste dugu, interes orokorra definitzeko iritzi desberdineko jendea bilduko duen talde bat egon behar dela.  Gure proposamen ez zuen udal gobernuak onartu.

Guzti honegatik eta Bilduko zinegotziok ezezko botoa eman genuen.

2. Lokalak etxebizitza bihurtzeko ordenantza arautzailearen aldarazpena hasiera batean onartu, hala behar balitz.

EAJko zinegotzion botoen bitartez onartu zen. Bilduko zinegotziok, abstenitu egin ginen. Gure ustez lokalak etxebizitza bihurtzeko araudia sortzea hirigintza arauen berrikuspena egin arte ez litzateke egin behar.  Ez dakigu lokalak etxebizitza bihurtzeko zenbat eskari egon diren, zenbat lokalek betetzen dituzten etxebizitza bihurtzeko baldintzak. Datu hauek  izan gabe ezin dugu ulertu ordenantza hau onartzeko urjentzia. Bildukook  hainbeste etxebizitza huts dauden herri baten, ez dugu ulertzen lonjak etxebizitza bihurtzeko beharrizana. Etxebizitza politika integrala izan behar dela aldarrikatu genuen.

3. Bakioko Udalak onartutako fakturen ordainketen betearazpenari buruzko egoeraren barri emon.

Idazkariak ordaindu gabe dauden fakturen kopuruaren berri eman zigun. Urtarrilak 31n, ordaindu gabeko fakturen kopurua: 1.364.666,69€

Urtarrileko osoko bilkuran landuko diren aztergaiak

bakio

0 Comments

1.- 2012ko abenduaren 27an egindako ohiko udalbatzaren akta irakurri eta onetsi, hala behar balitz.
2.- Alkatetzaren dekretuen barri emon.
3.- Jarduerak egin edo zerbitzuak emoteagaitiko prezio publikoak arautzen dauzan ordenantzea behin betiko onartu, hala behar balitz, beti be, aurkeztutako alegazinoei buruzko erabagia hartu ostean.
4.- Lokalak etxebizitza bihurtzeko ordenantza arautzailearen aldarazpena hasikera batean onartu, hala behar balitz.
5.- Bakioko Udalak onartutako fakturen ordainketen betearazpenari buruzko egoeraren barri emon.
6.- Eskaerak eta galderak.

Eguna: 2013/01/31 (eguena)
Ordua: 19:00
Tokia: batzar-gela